Lánchosc: Dé hAoine 1/4/05 @ 6r.n.
Maoiniú breise ceadaithe ag an
Uasal Ó Cuív chun Scéim na gCúntóirí Teanga a leathnú go 5 scoil bhreise
Cheadaigh an tAire Gnóthaí Pobail, Tuaithe
agus Gaeltachta, Éamon Ó Cuív T.D., maoiniú breise inniu de €8,378.37 faoi Scéim na gCúntóirí Teanga do CUMAS
Teo., a riarann an scéim i nGaeltachtaí na Gaillimhe, Mhaigh Eo agus na Mí.
Leis an maoiniú seo, beidh CUMAS Teo. in ann cúig scoil bhreise a chuimsiú sa
Scéim. Is iad seo a leanas na scoileanna atá i
gceist:
· Scoil Ghobnait, Inis Oirr
· Scoil Rónáin, Inis Móir
· Scoil Eoghanachta, Inis Móir
· Scoil Bhríde, Leitir Calaidh
· Gairmscoil na bPiarsach, Ros Muc
Bunaíodh Scéim na gCúntóirí Teanga ar bhonn píolótach i 1999 chun Gaeilge a threisiú mar theanga labhartha i measc dhaoine óga na Gaeltachta. Faoin Scéim, cuirtear daoine le Gaeilge líofa acu chuig scoileanna Gaeltachta agus cabhraíonn siad le leanaí nach bhfuil Gaeilge mar theanga dhúchais acu nó a bhfuil níos mó cabhrach de dhíth orthu. Rinneadh athbhreithniú neamhspleách ar an scéim in 2003 agus cuireadh treoirlínte nua i bhfeidhm le haghaidh scéim bhuan.
Eisithe ag an Oifig Eolais, An
Roinn Gnóthaí Pobail, Tuaithe agus Gaeltachta
Teil: 01 647 3130 Faics: 01
667 0826 Layla de Cogan Chin 087 684 2755
Ríomhphost: eolas@pobail.ie Gréasán: www.pobail.ie