Cumhacht do na hoileáin - Ó Cuaig Is ag iarraidh ionadaíocht níos fearr a shólathar do phoball na nOileán a bhí an comhleoir neamhspleách
Tá na socraithe
faoi Choiste na nOileán le plé arís ag cruinniú de Choiste Chomhairle Chontae
Chonamara. Tarraingíodh anuas an t-árbhar seo ag cruinniú iomlán na Comhairle
Contae coicís ó shin, ach mhol Cathaoirleach na Comhairle, Willie Burke, go
bhfágfaí ag Comhairle Chonamara é le réiteach a fháil ar an scéal. Tá sé molta ag an
gComhairleoir Seosamh Ó Cuaig go gcuirfear naonúr as na hoileáin - trí Oileán
Árann agis Inis Bó Finne - ar an gcoiste. Tá sé ag iarraidh freisin go mbeadh toghchán ar na hOileáin leis
na hionadaithe a roghnú. Ceaptar gur ochtar as na hOileáin a bhí ar intinn ag
grúpa Chomhairleoirí Chonamara nuair a mhol said níos túisce i mbliana - b'in í
an tsean Chomhairle - go mbunófaí Coiste na nOileán arís. Máirtín Ó Catháin - Foinse 15-08-2004 Foinse 12-9-2004. |
Ag labhairt dó le Lá inné
dúirt an comhairleoir Ó Cuaig go rasibh sé sásta leis an bhfáilte a cuireadh
roimh an moladh ach go raibh a thuilleadh plé ler déanamh ar an gceist.
"Nuair a bhí na comhráití
leis an gComhairle ar bun leag mé síos cúig phointe dhéag, ar cheann acu go
mbeadh ionadaíocht níos mó ná mar a bhí luaite cheana do cheantar na nOileán.
"Is é atá I gceist ná go
mbeadh naonúr tofa as ceantair na nOileán, agus go dtoghfadh na hOileánaigh na
hionadaithe.
"Bhí a leithéid ann cúpla bliain ó shin,
Comhairle Cheantar na n-Oileán, agus d'oibrigh sé go maith.
"Tháinig roinnt mhaith daoine amach le
h-aghaidh na dtoghchán.
"Cuireadh fáilte réasúnta maith roimh an
moladh, agus tá an Chomhairle sásta é a phlé arís ag an gcoiste ceantair.
"Tá sé ráite ah
Bainisteoir an Chontae go bhfuil sé ag lorg cúnamh chun na toghcháin a reachtáil."
De réir Uí Chuaig is í an
chéad bheart eile a chaithfear a dhéanamh anois ná féachaint ar conas a roinnfear
na ceantair. Caithfear cinneadh a
dhéanamh faoi cé mhéid ionadaí a
bheidh igceannas ar gach oileán.
Creideann Seosamh Ó Cuaig
gur riachtanas é an coiste seo do cheantair na nOileán.
"Caithfear a cur ar a
súile do Chomhairle Contae na Gaillimhe gur poball meabhrach, muiníneach,
nua-aimseartha atá I gConamara agus in Árainn agus nach nglacfar níos faide le
sieirbhíse de dara grad"
Le hAnna Ní Shúilleabháin
Lá 28/7/2004