|
Tús mo thréimhse 5 bhliana sa gComhairle Contae Seosamh Ó Cuaig - Comhairleoir
Contae Ní
raibh mé ach tagtha isteach an doras nuair a bhuail an fón. Comhairleoir Contae a bhí ann. "Tá muid ag iarraidh comhaontas a chur
le chéile," a dúirt sé, "le ceannas a thógáil ar Chomhairle Chontae na Gaillimhe. Ba mhaith linn labhairt leat." "Cén uair?" a
deirimse. "Tá beirt ar a mbealach siar cheana féin,"a dúirt sé, "má bhíonn tú sásta a ghabháil chun cainte
leo."
Bhi Bean Roisín na Maithníoch i
nGaillimh agus ní mé is fearr i gcásanna den tsórt seo. Ní hí ar pholaitíocht
atá i gceist anois agam ach réiteach beag a dhéanamh don bheirt a bhí ag
teacht. Chuir
mé glaoch práinneach go Gaillimh. "Tá an bheirt seo ag teacht," a dúirt mé Iéi. "Cé le haghaidh?" a d'fhiafraigh si. "Le haghaidh
ceannas Chomhairle Chontae na Gaillimhe a shocrú,"a deirimse. "Cáide go mbeidh tú amach?" "Céard
tá tú fhéin a dhéanamh?" a dúirt sí. Bhí fhios agam mar sin féin ón gcaoi ar labhair si go ndéanfadh sí chuile dheifir go hÁill na
Brún Tá dhá
rud le déanamh anois agam, a deirimse - tine bhreá chroíúl a chur síos agus liosta pointí polasaí a bheith scríofa agam nuair a
thiocfas an bheirt seo. Anonn liom go dtf bosca an ábhair tine go bhíaighmnn firelighter. Diabhal ceann a bhí ann. B'fhéidir go
mbeadh aon cheann Tí Mhícheál, a deirimse. (Sin é mo dheartháir atá ina chánaí in aice
liom) M'anam go raibh agus neart firelighters. Las mé
an tine agus chuaigh mé ag scríobh na bpointí polasaí - cheithre cinn déag. Anois a
chomhair an díospóireacht uilig a bhí againn ag cruinnithe d'Fhóram lorras Aithneach le blianta anuas - bóthar nua go Gaillimh ...
airgead ceart don bhóthar sin a'ainne, an 340 ... tuilleadh soilse ... linn snámha ... Leabharlann agus oifig i gCarna... Gan
dearmad a dhéanamh Comhairle Contae faoi leith do Chonamara a iarraidh ... Coiste láidir ar na hoileáin ... réiteach eicint ar an
trácht ar bhóthar Chois Fharraige ... Ionad an Phiarsaigh i Ros Muc .... céard eile? Bhí mé ag críochnú an ceathrú pointe
déag go díreach nuair a buaileadh an doras. Bhí an bheirt ann - CoIm Keaveney
as an Lucht Qibre agus Tiernan Walsh as Fine Gael...... Bhi a chuid oibre déanta ag an firelighter faoi seo agus lasracha
ag gabháil suas an simléar. Shuigh muid le hais na tine agus thosaigh an
mhargáil. Ar a laghad, a deirimse liom féin, tá siad seo sásta margáil a
dhéanarnh: ba é an polasaí a bhi ag Fianna Fáil agus ag na PDs gan labhairt
chor ar bith liom féin ná le Comhairleojr Shinn Féin, Dermot Connolly! Nior
mhinigh siad ó shin cén fáth? Fear cineál ardnósach é Colm
Keaveney, beagáinín canúna air agus fonn air léachtanna beaga a thabhairt dhuit
dá dtabharfá iomarca scóid dhó. Ní shin le rá nach bhíuil sé cumasach agus
díreach. Maidir le Tiernan Walsh, fear tuaithe amach is amach é agus tá sé i
bhfad ar an mbóthar. Eisean a rinne an chuid ba mhó den chaint. "Sula ngabhíaidh muid nios faide," a
deirimse, "tá cheithre phointe dhéag polasai réitithe anseo agam agus mura
bhfaighidh mé toradh orthu ní
dhúinn a ghabháil nios faide." Bhreathnaigh Tiernan Walsh go foighdeach
orm agus shin sé amach na cosa fada siúd atá faoi "Tá súil agam anois," a deir
sé, "nach bhíuil tada iontu nach féidir a chur i bhíeidhm. Ach léigh amach iad
go bhfeicfidh muid." Léigh. "By dad," a deir Tiernan, "tá siad sin
sách réasúnach." "Tá," a dúirt Colm Keaveney. Faoin am seo bhí Bean Roisín na
Maithníoch tagtha abhaile agus níorbh fhada go raibh an tae agus an t-arán
donn, na buns agus an cáca úllai ar bhoirdíní beaga amach ar aghaidh na beirte.
"You can't beat the drop of tay," a dtúirt Tiernan. "It's
delicious," a dtúirt Colm. Chaith muid píosa eile ag comhrá, chraith muid láimh
le chéile agus d'imigh siad. Ni raibh ansin ach an chéad bhabhta margála. Ba é an lá a dtáinig an Chomhairle
nua le chéile an lá mór, ar ndóigh. In Óstán i nGaillimh a bhí muid anois
- ceathrar neamhspleách, fear as
an Lucht Qibre, fear as Sinn Féin, agus deichniúir as Fine Gael. Bhí Colm sin againne in éineacht liomsa
- in aois a cheithre bliana déag,
an té is óige ariamh a bhí lánpháirteach I sochrú na cumhachta I gComhairle
Chontae na Gaillimhe, ná I gComhairle bar bith eile ach oiread déarfainn.
"Ceithre phointe dhéag atá agat ansin, a Dhaide," a dúirt sé, ar an mbealach
isteach. "Ba cheart dhuit ceann eile a chur leo." Mhínigh sé céard a bhí I
gceist aige. B'fhíor dhó é. Chuir mé an biro ag obair láithreach. Ba é bun agus barr an scéil gur
glacadh le mo chúig phointe déag Faoin am seo bhí an Comhairleoir
"neamhspleach" Séamus Breathnach tagtha isteach. Bhí fhios aigesean cén
bhhliain a bhí sé ag iarraidh a bheith ina Mhéara ach ní bhfuair sé é. D'imigh
sé aríst - ar ais chuig Campa Fhianna Fáil. Ni bheidh mé I mo Mhéara ar an gComhairle Contae sna
chúig bhliana atá romhainn ach cuireadh ar roinnt coistí tabhachta mé agus tá
mé sásta. Is mé a bhéas i mo Chathaoirleach ar Choiste na mBóithre. Tá mé ar
Údarás Réigiúnach an Iarthair agus ar Eagras na Teorann, Lár Tire, agus an
Iarthair (BMW). Tá mé ar Bhord Forbartha an Chontae, ar choiste an lucht
siúil, ar choiste na scéimeanna
uisce agus ar bhord na heagraíochta "Cumas". Tairgíodh cheithre bliana dhom ar
an an V.E.C. ach theastaigh uaim fear as an bpobal seo a chur isteach agus
d'éirigh liom trí bliana a fháil dhó.
Foilseofar a ainm nuair a thiocfas an t-am. An mbeidh toradh ó thaobh Chonamara
agus Árann ar obair na gCoistí seo ar fad? An gcuirfear mo chúig phointe dhéag
polasaí i bhfeidhm? An aimsir a inseos é sin. Rud arnháin atá ag rith thrí
m'intinn fós: meastú cén leagan a bheadh ar an scéal seo dá mb'iad Connie Ní
Fhátharta agus Tomás Mannion as Fianna Fáil a mbeadh na cosa sinte amach acu
cois tine an oiche stairiúil úd in Áill na Brún? (Toghadh Seosamh Ó Cuaig as Áill na Brún, Cill Chiaráin, ina Chomhairleoir Contae ar an 8ú lá Meitheamh, 2004). Iorras Aithneach:Nollaig 2004
|
