Tá
Feachtas tosnaithe againn anseo mar gheall ar athruithe atá á dhéanamh ar an
soláthar Oideachas Speisialta ar fud na tíre. Tá postanna ag imeacht, agus lagú
á dhéanamh ar sheirbhísí riachtanacha. Táimid ag
iarraidh brú a chur ar an Aire Oideachas, Máire Ní Ainiféin T.D., bualadh linn
lenár imni a léiriú. D'fhéadfá tacú linn ins an bhfeachtas tré an litir seo
thíos a chóipeáil agus a chur chuici ag: Ansin, d'fhéadfá
an ríomhphost a chur ar aghaidh chuig daoine eile a bheadh in ann tacú linn. Tá muid
thar a bheith buíoch duit. Trevor Ó
Clochartaigh An
Feachtas Oideachais Speisialta F/ch: Comhairle Ceantar na
nOileán Tír an
Fhia, Leitir Móir, Co. na Gaillimhe Fón:
091-551922 Faics: 091-551921 Fón póca:
087-9110672 Ríomhphost:
ceantarnanoilean@eircom.net Tag: Bunscoileanna Chonamara A Aire, Bhí cruinniú práinne De Céadaoin seo caite, an 15ú Meitheamh, i
mBéal a'Daingean, i gConamara, faoin gcinneadh atá tógtha ag an Roinn
Oideachais athrú a chur ar na socruithe maidir le múinteoirí do dhaltaí le
riachtanaisí speisialta. Tá go leor mí-shástacht sa bpobal maidir leis na h-athruithe agus
ceapann muid go mbeidh daltaí ó formhór scoileanna Chonamara thíos leis má
leantar ar aghaidh leis na socruithe. Tá postanna le cailleadh agus daoine a
bhfuil blianta seirbhíse sa réimse seo tugtha acu, á n-aistriú go jabanna eile.
Beidh daltaí sna scoileanna tuaithe, a dteastaíonn na seirbhísí riachtanacha
seo uathu, thíos leis na h-athruithe. Beidh brú breise ar na múinteoirí agus
príomhoidí. Tá na h-athruithe seo á dhéanamh faoi dheifir gan aon phlé oscailte
leis an bpobal ná na múinteoirí agus beidh impleachtaí tromchúiseacha acu ar
chaighdeán oideachais sna scoileanna Gaeltachta agus ar fud na tíre má ghlactar
leo ceapann muid. Ní fheileann an córas nua seo na scoileanna bheaga ar bhealach ar
bith. Tá an fhadhb níos casta arís nuair is scoileanna, gurb í an Ghaeilge an
teanga múinte inti, atá i gceist. Tá deire na scoilbhliana buailte linn agus gan aon soiléireacht
faoi cá seasann na daltaí ná na scoileanna sa réigiúin seo don chéad
scoilbhliain eile. Iarrann muid ort athbhreithniú a dhéanamh ar an gcás do
scoileanna Chonamara mar ábhar phráinne ar mhaithe leis na gasúir agus na
múinteoirí. Tá muid ag iarraidh na postanna sa réimse seo inár gceantar a
choinneáil buan don scoilbhliain seo chugainn ar a laghad le gur féidir aon
athrú a dhéanfar a mheas i gceart. Le Gach Deá Mhéin, |