|
€3m d'otharcharranna deonacha i limistéir CLÁR
30/3/2007: Tá fógartha ag Éamon Ó Cuív T.D., an tAire Gnóthaí Pobail, Tuaithe agus Gaeltachta, scéim nua de chuid CLÁR chun otharcharranna a chur ar fáil do sheirbhísí deonacha otharchairr Chumann na Croise Deirge agus Ord Mhálta i limistéir CLÁR.
30/3/2007: Na Beanna Beola ó Loch Fada inné!
Baill Chonamara sna
Connaught Rangers
 29/3/2007Craolfar clár spéisiúil ar Raidió na
Gaeltachta Dé Domhnaigh seo chugainn,
1 Aibreán, faoi ghrúpa fear óg ó
Chonamara a bhí ag troid sa chéad
chogadh domhanda i Reisimint na
Connaught Rangers.
Bunaithe ar cháipéisí cartlainne Arm
na Breataine, insíonn an clár seo scéal na
bhfear óg as Conamara a liostáil ar an
Rinn Mhór, Gaillimh, le linn an Chéad
Chogadh Domhanda.
Is é an t-iarcheannfort airm Frank
Reidy agus Mairéad Uí Chuaig a rinne
taighde ar an gclár agus is í Mairéad Uí
Chuaig a láithrigh agus a léirigh. Beidh an
clár le cloisteáil ar Raidió na Gaeltachta
Dé Domhnaigh (1/4/2007 ! Iar nóin)
|
Laghdú beag i gcéatadán na gcainteoirí Gaeilge
29/3/2007: Foilsíodh príomh príomhthorthaí déimeagrafacha Daonáireamh 2006 inné.
Bunaithe ar thorthaí an daonáirimh, dúirt níos mó daoine sa bhliain 2006 go raibh Gaeilge acu (1.66 milliún) i gcomparáid
le 2002 (1.57 milliún). Ach, ó thaobh céatadáin bhí laghdú beag ann ó 42.8% sa bhliain 2002 go 41.9% sa bhliain 2006.
Thit céatadán na nGaeilgeoirí i ngach ceantar Gaeltachta ach amháin i gCo na Mí agus i gCo Phort Láirge-an dá
Ghaeltacht is lú.
Preas Ráiteas ón Oifig Staidreamh - Ait go leor níl na torthaí le fáil ach i mBéarla amháin!
30/3/2007: Ráiteas ó Chomhdháil Náisiúnta na Gaeilge faoi seo!
Seirbhís ShaorChomhairle Dlí
27/3/2007: Seolfar seirbhís nua do lucht na Gaeilge i gcathair agus i gcontae na Gaillimhe an tseachtain seo chugainn nuair a chuirfidh Abhcóidí agus Aturnaetha le Gaeilge Seirbhís ShaorChomhairle Dlí ar fáil i gcathair na Gaillimhe i gcomhar le Coradh na Gaeilge.
Cuirfear tús leis an tseirbhís nua Dé Céadaoin seo chugainn 4 Aibreán, in Áras na nGael, 45 Sr. Doiminic. Beidh foireann ullmhaithe ansin chun comhairle a chur ar aon duine ar mian leo é ó 5.30i.n. go dtí 7.00i.n. Cuirfear comhairle ar fáil faoi gach gné den dlí agus cuirfear comhairle ar fáil freisin más mian le daoine leanúint ar aghaidh agus gníomhú de réir na comhairle sin.
Beidh an tseirbhís nua seo ar fáil ar bhonn píolótach ag Conradh na Gaeilge, ar an gcéad Chéadaoin de mhí Aibreáin, Bealtaine, Meithimh agus Iúil chun éileamh agus dul chun cinn na seirbhíse a mheas.
Triúr ag Fianna Fáil, ceann an duine ag na Glasaigh agus Michael D!
Dianchúrsa do Bhéaltriail na hArdTeistiméireachta
26/3/2007: Tá Conradh na Gaeilge i nGaillimh ag reáchtáil Dianchúrsa do Dhaltaí na hArd Teistiméireachta 2007. Tá an Dianchúrsa seo ann chun daltaí a ullmhú do Bhéaltriail na Gaeilge.
Beidh sé ar siúl ar an gCéadaoin 4 Aibreán ón 10.00r.n-4.00 i.n, agus ar an Déardaoin 5 Aibreán ón 10.00r.n-1.00i.n.
Tá 25% de mharcanna iomlána an scrúdú Gaeilge ag dul don Bhéaltriail.
Tá costas €100 agus spás teoranta do 14 ar an Dianchúrsa seo.
Is féidir foirmeacha Iarratais agus tuilleadh eolais a fháil ó Chonradh na Gaeilge, Fón (091) 567824.
|
26/3/2007: Sin an cosúlacht atá ar an scéal do réir suirbhé den Dáil cheaantair (Gaillimh Thiar) atá déanta ag an MRBI do Raidío na Gaeltachta a foilsíodh ar maidin. Bhí Éamon Ó Cuímh (27%) agus Frank Fahey (13%) ar bharr agus ansin bhí Niall Ó Brolcháin agus Michael D O'Higgins le 11%. Is cosúil go mbeidh troid uafásach ann don cúigiú suíochán idir Michael Crowe, Noela Grealish agus Pádraig MacCormack.
Cé bheidh ag lorg do vóta?
An scéal seo i Lá Nua 27/3/2007
Uisce gan mhaitheas!
24/3/2007: Tá cuardú dian ar siúl ag na húdaráis áitiúl chun foinse an truailliú atá san uisce sa chontae agus sa cathair le breis is dhá seachtain anuas. Glaoghtar cryptosporidiosis ar an truailliú seo. Tá úsáid a bhaint as eitileáin chun an foinse seo a lorg.
Ni féidir an tuisce a úsáid sna ceantracha, Maigh Chuileann agus An Acréidh san áireamh, gan é a fiuchadh.
|
Na Crosáin
ag léiriú
Chekhov
23/3/2007: Cuireadh tús aréir le léiriú na
Crosáin ar trí dhráma de chuid Chekhov (ar dhheis). Tá na drámaí, faoi stiúir Mharc
Mhic Lochlainn, ar siúl i dTaibhdhearc na Gaillimhe go dtí oíche
amárach.
Thosaigh Na Crosáin ‹ aisteoirí óga na Taibhdheirce ‹ ar an
togra dúshlánach seo i mí na Samhna seo caite. Is iad na haisteoirí agus
stiúrthóirí féin a d'aistrigh na drámaí go Gaeilge agus is iad na baill
iad féin atá á stiúradh.
|
Ceardlann Scríbhneoirí
23/3/2007: Cé go bhfuil feabhas suntasach tagtha ar shaothrú litríocht na Gaeilge le glúin no dho anuas, tá saothrú an phrois sách lag i gconaí, go háirithe i measc scríbhneoirí oga. Tá go leor filí oga i mbun filíochta, ach tá dua agus deacracht bhreise ag baint le saothrú an phrois. Chuige sin tá Clo Iar-Chonnachta, i gcomhar le Bord na Leabhar Gaeilge, ag reáchtáil ceardlann náisiúnta do scríbhneoirí prois i nGaeltacht Chonamara thar dhá dheireadh seachtaine, i mí an Mhárta agus mí Dheireadh Fomhair 2007. (Galway Independent)
|
Saorscaipeadh Lá Nua sa Ghaillimh
22/3/2007:Tá tús curtha ag Lá Nua le saorscaipeadh an nuachtáin i gcathair agus i gcontae na Gaillimhe.
I measc na n-áiteanna agus na n-eagras éagsúil ina bhfuil nuachtán laethúil na Gaeilge anois ar fáil saor in aisce tá Ollscoil na hÉireann Gaillimh, Comhairle Cathrach na Gaillimhe, An Taibhdhearc, Raidió na Gaeltachta agus TG4. (Lá Nua)
Breis is €13m Ceadaithe ag Ó Cuív do Ché an Chalaidh Mhóir, Inis Meáin
|
Aon phleán acu?
21/3/2007: D'iarr an Comhairleoir Seosamh Ó Cuaig ar an Roinn Cumarsáide a pholasaí i leith chóras bhanda leathan ó chuireadar deireadh leis an córas grúp scéimeanna. Thagair sé don scéim atá ag Tuaisceart Éirinn ina bhfuil an chóras bhanda leathan le fáil ar fúd an limistéir sin.
|
22/3/2007: D'fhógair Éamon Ó Cuív T.D., an tAire Gnóthaí Pobail, Tuaithe agus Gaeltachta inniu go bhfuil deontas €13.005m ceadaithe aige chun Cé an Chalaidh Mhóir a fhorbairt ar Inis Meáin. Costas iomlán de €13.195m atá i gceist agus beidh €190,000 ag teacht ó Chomhairle Contae na Gaillimhe.
Mar chuid den obair a bheidh á déanamh beidh tógáil tonnchoisc, dreideáil an chalafoirt agus síneadh leis an gcé. Tógfar bóthar agus áit tiontaithe chomh maith. Tá cead tugtha ag an Aire freisin do Chomhairle Chontae na Gaillimhe an conraitheoir SIAC a fhostú chun an obair a dhéanamh.
Ranganna le fáil
21/3/2007: An bhfuil aithne agat ar éinne atá ag iarraidh Gaeilge a fhoghlaim ón tús nó an bhfuil sé ar intinn agat féin dul chun cinn a dhéanamh leis an méid atá agat? B'fhéidir go bhfuil tú ag machnamh ar an Teastas Eorpach na Gaeilge a bhaint amach?
Tá rogha úr ranganna Gaeilge ag gach leibhéal ar fáil ó Chonradh na Gaeilge, Gaillimh an Earrach seo agus beidh daoine in ann cáilíocht Eorpach a bhaint amach sa Ghaeilge.
Beidh na ranganna go léir ar siúl i lár chathair na Gaillimhe in Árus na nGael, 45 Sráid Doiminic, ar feadh uair go leith, tráthnóna amháin sa tseachtain ar feadh 8 seachtaine. Má theastaíonn foirm iarratais nó tuilleadh eolais uait bí i dteagmháil le Conradh na Gaeilge ag 091 567 824 nó conradh@bradan.io.ie.
|
An Aimsir
ár nIonadaithe Phoiblí
