10/4/2008: Tá na hAirí a ceapadh i Mí na Samhna seo caite le iniúcadh a dhéanamh ar an Stáidéar Teangolaíoch ar úsáid na Gaeilge sa Ghaeltacht agus cinneadh a dhéanam ar cad is ceart a dhéanamh lena gcéad chruinniú a bheith acu inniú.
Siad na hAirí atá ar an gcoiste ná Brian Cowan, John Gormley, Mary Hanifin, Noel Dempsey, Micheál Martin, Mary Coughlin agus Éamon Ó Cuív. Táid ag súil go mbeidh torthaí ar a gcuid cainte le fogairt roimh deireadh na bliana.

Treoirleabhair Nua do Thomhaltóirí 9/4/2008: D'fhoilsigh an Rialtóir Airgeadais leaganacha Gaeilge dá threoirleabhair 'Pinsin - an scéal simplí' agus 'Morgáistí - an scéal simplí' inné. Cuireann na foilseacháin seo eolas neamhspleách, saor in aisce ar fáil i dteanga shimplí chun cuidiú le daoine an pinsean nó an morgáiste a oireann dóibh a roghnú.

Togra foghlama Gaeltachta do mhná breacaosta 10/4/10: Sheol an tAire Éamon Ó Cuív, 'An Dara Tonn', tionscadal Gaeltachta de chuid OWN Ireland (Older Women's Network) le haghaidh daoine breacaosta, inné. Mar chuid de chlár píolótach na bliana seo caite, thug 25 bean bhreacaosta, ó áiteanna ar fud na tíre, faoin teanga agus faoin gcultúr a shealbhú i nGaeltacht Chonamara.(Lá Nua)

Sáruithe suntasacha le linn na bliana 2007 ar reachtaíocht a raibh cur chun cinn na Gaeilge mar aidhm aici

40% de na gearáin ón nGaeltacht! Don dara bliain as a chéile cuireadh breis agus 600 gearán nua i láthair Oifig an Choimisinéara Teanga sa bhliain 2007 inar thug baill den phobal le fios gur chreid siad go raibh cúis gearáin acu de bharr deacrachta le seirbhísí trí Ghaeilge ón státchóras. Fágann sin go bhfuil beagnach 2,000 gearán curtha i láthair na hOifige ó bunaíodh í ar dtús sa bhliain 2004. Ó Chontae Bhaile Átha Cliath a tháinig an tríú cuid de ghearáin na bliana anuraidh agus tháinig 42% eile ó na trí chontae seo a leanas - Gaillimh (24%), Ciarraí (12%) agus Dún na nGall (6%). Ón nGaeltacht a tháinig 40% de na gearáin agus as ceantair lasmuigh den Ghaeltacht an chuid eile (60%).

Tuairisc an Chomisinéara Teanga 2007 foilsithe
Ní ceart "'Béarla éigeantach' a bhrú ar an bpobal agus iad ag déileáil le heagraíochtaí stáit."

8/4/2008: Ag labhairt dó ag seoladh na tuarascála, dúirt an Coimisinéir Teanga, Seán Ó Cuirreáin, gur chosúil nár leor na córais reatha maidir le hearcaíocht agus traenáil foirne le cinntiú go mbeadh líon leordhóthanach foirne le hinniúlacht sa Ghaeilge ar fáil in eagraíochtaí stáit na tíre le seirbhísí a sholáthar trí Ghaeilge chomh maith lena soláthar trí Bhéarla. "Nílim ag déanamh an cháis ar chor ar bith gur cheart filleadh ar chóras na Gaeilge éigeantaí d'fhostaithe an stáit, ach ní chreidim gur leor ach an oiread 'Béarla éigeantach' a bhrú ar an bpobal agus iad ag déileáil le heagraíochtaí stáit," a dúirt sé.
Is féidir an tuairisc a fháil ar Shuíomh an Choimisinéara!

Teastas Eorpach na Gaeilge 7/4/2008: Tá rogha úr ranganna Gaeilge ag gach leibhéal ar fáil ó Chonradh na Gaeilge, Gaillimh an t-Earrach seo agus beidh daoine in ann cáilíocht Eorpach a bhaint amach sa Ghaeilge. Galway Advertiser 26/3/2008

Scéim deontas pobail na Chomhairle 2008 Na Deontaisí eile! Cumann Luacht Capailíní €2,100 Seo Capailíní an Cheathru Rua €1,050 Taispéantas Cois Fharraige Teo €1,050 Coiste an Spidéil Comórtas na Bailte Slachtmhara 2008 €3,000 7/4/2008: Socraíodh ar roinnt mhaith deontais ag cruinniú Chomhairle Chontae na Gaillimh i mí Márta. I measc na deontais bhí €10,000 Bealach an togra iompar pobail le seirbhís breise 40 bealaigh nua a sholáthar. Fuair Crib na nÓg €5000 le haghaidh Oifig Pobal agus Maoiniú do Dhífhibrileoir Phobail Beidh níos mó deontaisí moladh ag an gcruinniú i mí Aibreáin.

---

Leathan banda i gConamara

7/4/2008: Tá feabhas ag teacht ar chúrsaí leathan bhanda diadh ar ndiadh sa cheantair. Tá an cuid is mó de na malartáin ag Éircom anois i ndán seirbhís de shaghas éigin a thabhairt sna limistéar thár timpeall ortha. Ach fós tá ceantair nach féidir í fháil mar go bhfuil siad ró fhada ón malartán nó tá caighdeán an cábla ró dhona chun freastail ar an comhartha leathan bhanda.
Tá dhá bhealach eile gur féidir a úsáid, saitilít nó córas gan sreang. Sa léarscáil anseo tá na nódanna atá ag saothrú sa cheantair ag dream deonach theWAN (Béarla) atá ortha. Bíonn ar an té an treallamh a cheannach agus ansin tá an seirbís fhéin saor, ach bíonn tú ag brath ar an céad duine eile sa gréasáin.
Sa mapa beag is féidir na nódanna trachtála atá ag Airwire (Béarla) a fheiscint. Tá costas ar an seirbhís seo ach ós rud é gur córas tráchtála atá ann is ceart go mbeadh an seirbhís níos fearr.
Breis faoin Leathan Bhanda!