10/12/2008: Beidh ceol, greann, damhsa, súil siar, báid seoil agus spórt ar fáil go fairsing sa rogha iontach clár ar TG4 an Nollaig seo. Gheobhaidh idir óg is shean díol suime agus ábhar siamsaíochta ó chlársceideal spleodrach físiúil ina bhfuil an bhéim ar ár ndúchas féin agus ar charachtair a shaibhríonn ár stair agus ár saol.

Tá buaicphointí ar fáil sa gcáipéis faoi iamh, in ord lae agus tá an clársceideal iomlán ar fáil ar www.tg4.ie Seo cuid de na seoda:

• Kings - an chéad chraoladh teilifíse ar an scannán aitheanta faoin bhuíon fear as Conamara a chuaigh ar imirce go Londain le chéile 25 bliain ó shin agus atá bailithe le chéile arís i Kilburn anois ar shochraid dhuine acu.
• Scoth an cheoil traidisiúnta ­ ó Gheantraí na Nollag le Sharon Shannon, clár nua faoi Dhónal Lunny agus dar ndóigh damhsa ar an sean-nós le Steip.
• Clár nua faoi Niall Tóibín, aisteoir agus fear grinn na scórtha canúint ­ ag breathnú siar ar a shaol agus ar a shaothar ilghnéitheach.
• Cláracha ceiliúrtha ar oidhreacht na mbád seoil traidisiúnta agus na n-iomróirí curach a thuill clú ag an Tóstal leathchéad bliain ó shin.
• Inis Airc ­ súil siar le cumha agus gean ar an oileán a tréigeadh leathchéad bliain ó shin.
• Saol agus oidhreacht cheoil Phroinsias Uí Mhaonaigh, fidléir, cumadóir ceoil agus amhrán Ghaoth Dobhair.
• Aonach Tailteann - an fhéile lúthchleas a thug curaidh Oilimpeacha go hÉirinn ochtó bliain ó shin.
• Uachtaráin - sraith thábhachtach faoi na fir agus na mná a bhain amach an post is airde faoi Bhunreacht na hÉireann.
• An Canónach Goodman ­ Ministir Protastúnach a bhailigh taisce luachmhar cheoil Chorca Dhuibhne céad go leith bliain ó shin.
• Séasúr na síochána i Ros na Rún ­ nó i gcuid de ar aon nós!
• Rogha spreagúil scannán nach bhfuil ar aon chainéal eile.
• Cluichí móra spóirt 2008 agus súil siar ar chúil na bliana.
• Spraoi agus greann do pháistí ar feadh an lae ar Cúla4