24/4/2008: Tá sé i gceist ag Comhairle Chontae na Gaillimhe a dara Scéim Teanga a dhréachtadh de réir Alt 11 d'Acht na dTeangacha Oifigiúla 2003 ina mbeidh scéimeanna do Chomhairlí Baile Bhéal Atha na Sluaighe, Bhaile Locha Riach agus Thuama san áireamh. Is é bun-chuspóir an Achta ná a chinntiú go mbeadh fáil níos mó ar sheirbhísí poiblí trí Ghaeilge agus go mbeadh siad ar chaighdeán níos airde.
Tá aighneachtaí maidir le hullmhú na dréacht-scéime á lorg ag Comhairle Chontae na Gaillimhe anois ó aon pháirtithe leasmhara. Ba chóir nach rachadh na haighneachtaí sin thar 4,000 focal (c. 8 leathanach). Ba chóir freisin, go hinmhianaithe, aighneachtaí a sheoladh isteach go leictreonach chuig gaeilge@galwaycoco.ie. nó sa gnath phost chuig Oifigeach Forbartha na Gaeilge, Comhairle Chontae na Gaillimhe, Aras an Chontae, Cnoc na Radharc, Gaillimh.
Is é an dáta deireanach d'aighneachtaí a bheith faighte ná 5.00i.n. ar an 23 Bealtaine, 2008.

Feisirí Eorpacha i Ros a'Mhíl! 23/4/2008: Thug toscaireacht ó Choiste Iascaireachta Pharlaimint na hEorpa cuairt ar Ghaeltacht na Gaillimhe le gairid. Bhí sé mar aidhm ag an toscaireacht, chúigear Feisire Eorpach, eolas a bhailiú agus eolas a roinnt le heagraíochtaí agus grúpaí cuí a bhfuil baint acu le cúrsaí mara agus iascaireachta. Thug an toscaireacht cuairt ar Ardoifig an Údarais áit ar pléadh straitéis forbartha mara an Údaráis don Ghaeltacht. Lena chois sin, thug an toscaireacht cuairt ar Institiúid Mháirtín Uí Riain i gCarna, bhuail siad le foireann oibre ISPG (Irish Seafood Producers Group) i gCill Chiaráin, le grúpa iascairí agus lucht próiseála éisc i Ros an Mhíl agus thug siad cuairt i mbád ar na feirmeacha bradán i gCuan Chaisin, Leitir Mealláin. Dúirt an Feisire Eorpach, Séan Ó Neachtain, a d'eagraigh an chuairt, gur "deis é seo do na heagraíochtaí atá ag plé le cúrsaí forbartha mara agus cúrsaí iascaireachta agus lucht déanta polasaithe na hEorpa tuairimí a mhalartú sa chaoi gur féidir linn bogadh chun tosaigh agus na tionscail iascaireachta agus uisceshaothraithe a fheabhsú agus a fhorbairt sa todhchaí. Bhí mé an-sásta gur chaith siad lá dá gcuairt i gConamara." (Iris UnaG "Scéal Eile" Eagráin eile)

Bunachar na mbád 23/4/2008: Tá Comhairle Contae na Gaillimhe ag dhéanamh iniúchadh agus Bunachar na mBad Oidhreachta i gContae na Gaillimhe (idir bháid intíre agus agus mhara) a chur le chéile. Tá sé i gceist freisin liosta práinne a chur le chéile de na báid is mó atá i mbaol agus ráiteas a chur le chéile chun iad sin a chaomhnú. Iarrtar ar dhaoine a mbaineann sé leo (úinéirí báid, eagraíochtaí bád, lucht seolta báid, nó daoine eile a bhfuil spéis acu i mbáid) bheith páirteach i gcomhairliúchán agus leas a bhaint as an deis seo riachtanais agus ceisteanna a shonrú go háitiúil ar féidir aghaidh a thabhairt orthu san Iniúchadh ar Bháid Oidhreachta. Bhí Cruinniú Comhairliúcháin Poiblí in Órán Mór aréir. Féadfar aighneachtaí a dhéanamh freisin i scríbhinn faoi 4.00pm, Dé hAoine an 2 Bealtaine chuig Bríd Higgins, Oifigeach Oidhreachta Sealadach, Pleanáil Chun Cinn, Comhairle Contae na Gaillimhe, Cnoc na Radharc, Gaillimh nó a sheoladh ar ríomhphost chuig: mmannion@galwaycoco.ie.

Dráma den scoth 23/4/2008: Nuair a fheiceann tú Joe Steve Ó Neachtain i bpáirt Taimín Chualáin agus é ina shuí ar an stáitse, a mhaide láimhe sínte amach uaidh, a cheann ag luascadh anonn is anall, caillte agus uaigneach, tá a fhios agat go bhfuil tú gafa aige, a scríobhann Catherine Foley. (Irish Times) Tathar ag súil go mbeidh an dráma á theaspeáint arís sa Sean Scoil ag tús mí Bealtaine.

Oíche Chonamara agus Ráth Cairn ag Sult 23/4/2008: Beidh oíche speisialta dírithe ar thraidisiún Chonamara agus Ráth Cairn ag Club Sult i mBaile Atha Cliath, amárach. Tosóidh an oíche ag a 8.30in nuair a sheolfaidh Bríd Óg Ní Bhuachalla ó RTÉ an leabhar/dlúthdhiosca, Aniar, ón gcomhlacht, Futa Fata. (Lá Nua)

Kings! Duais eile! Spiorad na Féile Ceiltí 2008 buaite! 21/4/2008: Thug scannán a chómhaoinigh TG4 an phríomhdhuais leis ag Féile na Meán Ceilteach i nGaillimh. B'air an scannán Kings a bronnadh an duais Spiorad na Féile, an ceann is s airde ar fad ag an bhFéile. Scéal faoi sheisear ógfhear as Gaeltacht Chonamara a chuaigh ar imirce go Londain breis is chúig bhliana fichead ó shin é an scannán ina dtagann siad le chéile arís do shochraid an té is óige acu. Féile na Meán Cheilteach (Béarla)

Spreagadh Pobail 21/4/2008: Is scéim é seo a bhfuil sé mar aidhm aige grúpaí pobail Ghaeltachta a ghríosú agus a spreagadh le tabhairt faoi ghníomhaíochtaí forbartha pobail thar na tréimhse trí bliana 2008-2010. Tá ceithre rannóg sa scéim Comharchumainn agus Comhlachtaí Pobalbhunaithe Coistí Deonacha Forbartha; Eagraíochtaí Spóirt agus Caitheamh Aimsire An Baile Beo (i gcomhar le Comhairlí Contae áirithe).

Chelsea FC ar an gCeathrú Rua 18/4/2008: Is beag ceangal, a cheapfá, a bheadh ag Príomhroinn sacair Shasana leis an gCeathrú Rua, ach tá beagán de Chelsea FC anois ar an mbaile Gaeltachta, ó thárla na toisí agus caighdeáin ceanna céanna ag an bpáirc nua Astroturf atá tógtha trasna an bhóthair ó Pháirc an Cháthanaigh leis an bpáirc nua traenála atá tógtha ag foireann sacair Chelsea i Cobham, Surrey. (Galway Independent)

Strainséirí 21/4/2008: Ciníochas ceilte Éireann an lae inniu is cúlra don úrscéal seo le Colmán Ó Raghallaigh faoin gcairdeas a fhásann idir bheirt chailíní óga ó dhá chúlra éagsúla agus a thugann dúshlán na muintire lena mbaineann siad beirt.

Straitéis 20 Bliain don Ghaeilge
Cruinnithe Comhairliúcháin Phoiblí

18/4/2008: Tá fógartha inniu ag Eamon Ó Cuív, T.D., Aire Gnóthaí Pobail, Tuaithe agus Gaeltachta go bhfuil a Roinn ag reáchtáil sraith cruinnithe poiblí chun deis a thabhairt don phobal plé a dhéanamh ar na saincheisteanna i ndáil leis an Straitéis 20 Bliain don Ghaeilge. Tá an cruinniú i nGaillimh le bheith san Ardilaun ar an 13 Bealtaine 2008.