6/4/2005: Thug an Aire Éamon Ó Cuív, T.D., Aire Gnóthaí Pobail, Tuaithe agus Gaeltachta aitheantas do na Cinn Chomhairimh a rinne éacht mhór i reáchtáil an toghcháin d'Údarás na Gaeltachta ar an 2 Aibreán 2005, le tacaíocht leis na réamhullmhúcháin ó oifigigh dá Roinn féin. Is cúis mhór sásaimh don Aire go ndearnadh rud stairiúil ar an ócáid seo sa mhéid is gur reáchtáladh an toghchán ar na hoileáin Ghaeltachta ar an lá céanna is ar an mórthír. Rinne an tAire suntas chomh maith gurb í seo an chéad uair a bhí na socruithe don toghchán á ndéanamh in oifig na Roinne Gnóthaí Pobail, Tuaithe agus Gaeltachta sna Forbacha.
An scéal iomlán

Dochar déanta ag an mbanc

6/4/2005: Tá dochar mór déanta i sráidbhailte in iarthar na Gaillimhe agus Mhaigh Eo ag imeacht an Bhainc Taistil bliain go ham seo. In Aibreán, 2004 a chuir Banc na hÉireann deireadh leis an tseirbhís seo in áiteanna go leor i gConamara agus in iarthar Mhaigh Eo. Bhí feachtais i chaon áit acu ag iarraidh go gcoinneofaí an tseirbhís, ach níor ghéill Banc na hÉireann.
An scéal i bhFoinse

---

Toghchán 2005 Pádraig Ó Biadha Fianna Fáil Colm Ó Ceannabháin Sinn Féin Aine Ní Chiarragáin Fine Gael Trevor Ó Clochartaigh Neamh Spleách Seán 'ac Coistealbha Neamh Spleách John Bhaba Jeaic Ó Conghaile Neamh Spleách Seán Creavan Páirtí Daonlathach Seosamh Ó Cuaig Neamh Spleach Tomás Ó Curraoin Sinn Féin Poblachtach Connie Ní Fhatharta Fianna Fáil Val Hanley Fianna Fáil Seosamh Ó Laoi Fine Gael Jimí Ó Lorcháin Páirtí Daonlathach Diarmaid Ó Mulcahy Comhaontas Ghlas Éamon Ó Méalóid Fine Gael Sinéad Ní Neachtain Fianna Fáil Mossie Joyce Neamh Spleách Séagh Mac Siúrdáin Neamh Spleách Seán Ó Tuairisc Fianna Fáil Séamus Walsh Fianna Fáil

Torthaí sa deireadh
Beirt nua as an oirthear agus Fine Gael gan áit.

5/4/2005: Ghéill Seosamh Ó Laoi inné agus mar sin siad seo na baill nua den Údarás i nGaeltacht na Gaillimhe. Seán Ó Tuairisc (FF), Seosamh Ó Cuaig, (NS), Connie Ní Fhartharta, Val Hanley, Séamus Breathnach, (FF ar aon) agus Seán Creaven. Fagann sin Fine Gael gan suíochan agus beirt don chéad uair ag an Acraidh agus Cathair na Gaillimhe (Hanley agus Creavan).

---

Eoin Pól II 1920-2005 Cathair na Vaticáine

Athchhomhaireamh!

4/4/2005: Aréir go déanach socraíodh ar athchomhreamh ar torthaí Thoghchán an Údarás i nGaillimh ag an scoil cuimsitheach ar an gCeathrú Rua. Is cosúil go mbeidh suíochán ag Seán Ó Tuairisc (FF), Seosamh Ó Cuaig,(NS) Val Hanly,(FF) Connie Ní Fhatharta,(FF) Seamus Breathnach agus Seosamh Ó Laoi nó Seán Creavan (PD).

---

Maoiniú breise ceadaithe chun Scéim na gCúntóirí Teanga a leathnú go 5 scoil bhreise anseo

2/4/2005: Cheadaigh an tAire Gnóthaí Pobail, Tuaithe agus Gaeltachta, Éamon Ó Cuív T.D., maoiniú breise inniu de €8,378.37 faoi Scéim na gCúntóirí Teanga do CUMAS Teo., a riarann an scéim i nGaeltachtaí na Gaillimhe, Mhaigh Eo agus na Mí. Leis an maoiniú seo, beidh CUMAS Teo. in ann cúig scoil bhreise a chuimsiú sa Scéim.
An scéal iomlán

---

Conspóid pleanála i gCill Chiaráin

1/4/2004: Ainneoin go bhfuil An Bord Pleanála ag seasamh le cinneadh Chomhairle Chontae na Gaillimhe faoi chead pleanála do chóras cóireála eisilte éisc i gCill Chiaráin i gConamara tá bean as an áit, Katie McGrath le dul chun cúirte faoin gcinneadh. Tá an dabhach cóireála ag freastal ar mhonarcha de chuid Údaráis na Gaeltachta agus dúirt leas phríomhfheidhmeannach de chuid an Údaráis go bhfuil stádas an chead pleanála anois soléir.

---

Dearcadh Shinn Féin ar an dtoghchán

1/1/2004: "Ba mhaith liom an forógra toghcháin seo a mholadh do chách a bhfuil suim acu i gcosaint agus i bhforbairt na nGaeltachtaí in Éirinn. Is le fada an lá anois a mbíonn Sinn Féin i mbun toghchán ag gach leibhéal sa tír seo, ó thuaidh agus ó dheas. Anois, sna toghcháin seo d'Udarás na Gaeltachta tá an páirtí - tríd ár dtriúr iarrthóir - ag tabhairt faoin dúshlán ionadaíocht chuí a dhéanamh ar son muintir na Gaeltachta." Mar sin a labhair Gerry Adams inné.
An ráiteas iomlán